ეკონომიკისა და მდგრადი განვითარების სამინისტროს ინფორმაციით, ზამთრის კურორტები სრულად არის გამართული და თეთნულდი-ჰაწვალის სათხილამურო ტრასები დამსვენებლებს 22 დეკემბერიდან მიიღებს.
„კურორტები სრულად გამართული და განახლებული ხვდება დამსვენებელს. ასევე მთელი საქართველოს მასშტაბით ყველა კურორტი მზადაა ვიზიტორების მისაღებად, საბაგიროებს ჩაუტარდა გეგმური სარემონტო სამუშაოები, სათხილამურო გზებიც სუფთავდება ქვებისგან. ამასთან, საბაგიროს ოპერატორებმა გაიარეს გადამზადების კურსი“, - აცხადებენ სამინისტროში.
მათივე განმარტებით, ყველა საბაგირომ გაიარა სარემონტო სამუშაოები და ტექნიკური დათვალიერება.